விளங்குதில்லை விளங்குதில்லை ஒண்டுமாய் விளங்குதில்லை !!!

Ravi Chellathuray — Tue, 31 Aug 2010 06:15:50 +0000

புலம் பெயர்ந்து பெயர்ந்து புது வாழ்க்கை வாழ்கையிலே நல்லதெது கெட்டதெது ஒண்டுமாய் விளங்குதில்லை
காலை மாலை ஓடி ஓடி வேளை செய்து கலைத்துப் போய் அலுத்துப் போய் வாழ்கின்ற வாழ்க்கையிலே ஒண்டுமாய் விளங்குதில்லை
நாடுவிட்டு நாடுமாறி நாடு இழந்த வாழ்க்கையிலே உற்றமெது சுற்றமெது உன்மையான உறவு எது ஒண்டுமாய் விளங்குதில்லை
முலைக்கொரு கோவில் வந்து எந்நாளும் விழா வந்து பக்தி எது பகட்டு எது பண்பான வாழ்க்கை எது ஒண்டுமாய் விளங்குதில்லை
விட்டாலும் பிடித்தாலும் ஓடி ஓடி உழைத்தாலும் பணம் கையில் சேருதில்லை ஏனென்று ஒண்டுமாய் விளங்குதில்லை
அண்ணன் யார், தம்பி யார், அப்பன் யார், பிள்ளை யார், தாய் யார், மகள் யார், மனைவி யார், கணவன் யார் ஒண்டுமாய் விளங்குதில்லை
பாசையும் புரியுதில்லை குளிரும் பிடிக்குதில்லை நித்திரையும் வருகுதில்லை நல்ல நட்பும் இங்கில்லை ஏனென்று ஒண்டுமாய் விளங்குதில்லை
தொலைக்காட்சி, வான்அலைகள் வான் அலையில் கூடிப்போய் அதற்குள்ளும் பிரச்சனைகள் ஏனென்று ஒண்டுமாய் விளங்குதில்லை
தமிழ் வள்ர்போம் தமிழ் வளர்ப்போம் என்றெல்லோ சொல்லுகினம் கதைக்கயிலே ஆங்கில்த்தை கலந்தல்லோ பேசுகினம் ஏனென்று ஒண்டுமாய் விளங்குதில்லை
விளக்கங்கள் விளக்க இன்று எமக்கு இங்கு எவருமில்லை அதனாலே நமக்கு இன்று தெரியாமல் புரியாமல் ஒண்டுமாய் விளங்குதில்லை
விளங்குதில்லை விளங்குதில்லை ஒண்டுமாய் விளங்குதில்லை விளங்குதில்லை விளங்குதில்லை ஒண்டுமாய் விளங்குதில்லை

பாம்புப் பெண்

Ravi Chellathuray — Wed, 25 Aug 2010 06:30:40 +0000

படித்ததில் பிடித்தது – பகுதி 2

Ravi Chellathuray — Mon, 23 Aug 2010 06:00:38 +0000

பணத்திற்காக ஒரு பெண்ணைத் திருமணம் செய்து கொள்ள வேண்டாம். பணம் குறைந்த வட்டிக்கு வெளியே கிடைக்கும்

துன்பம் துன்பம் என்று சலித்துக் கொண்டு என்ன பயன்? உடம்பிலிருக்கும் ஒன்பது ஓட்டைகளோடு அதுவும் பத்தாவது ஓட்டை என்று முடிவு கட்டு : வாழ்வுக்கு நியாமும் நெஞ்சிற்கு நிம்மதியும் கிடைக்கும்

உழைப்பு வறுமையை மட்டும் விரட்டவில்லை தீமையையும் விரட்டுகிறது

அழகான பெண் கண்களுக்கு ஆனந்தமளிக்கிறாள். குணமான பெண் இதயத்திற்கு குதூகலமளிக்கிறாள். முதலாமவள் ஒரு ஆபரணம் இரண்டாமவள் ஒரு புதையல்

ஒரு தாய் தன் மகனை மனிதனாக்க இருபது வருடங்களாகிறது. அவனை மற்றொரு பெண் இருபதே நிமிடங்களில் முட்டாளாக்கிவிடுகிறாள்

பெண் இல்லாத வீடும் வீடு இல்லாத பெண்ணும் மதிப்பு இல்லாதவை!

பணம் இருந்தால் உன்னை உனக்குத் தெரியாது. பணம் இல்லாவிட்டால் யாருக்கும் உன்னைத் தெரியாது

மது உள்ளே சென்றால் அறிவு வெளி செல்கிறது

நண்பனைப் பற்றி நல்லது பேசு. விரோதியைப் பற்றி ஒன்றும் பேசாதே

செல்வம் என்பது பணம் மட்டும்தான் என்பது இல்லை

பறக்க விரும்புபவனால் படர முடியாது

ஒரு கதவு மூடப்படும் போது மற்றொரு கதவு திறக்கிறது. ஆனால்இ நாம் மூடப்பட்ட கதவையே பார்த்துக்கொண்டு திறக்கப்படும் கதவை தவறவிடுகிறோம்

எது துன்பம்

Ravi Chellathuray — Mon, 16 Aug 2010 06:30:14 +0000

நல்ல சுற்றம் சூழாத இல்வாழ்க்கை துன்பம்
கல்வி கற்காத வாழ்க்கை துன்பம், அநீதி, பாவச்செயல் புரியும் ஆட்சியின்கீழ் வாழ்தல் துன்பம்
மழைத்துளி ஒழுகும் பழைய கூரை உள்ள வீட்டில் வாழ்தல் துன்பம்
வீரம் விவேகம் இல்லாதவன் கையில் பிடித்த படைக்கருவி துன்பம்
நல்ல வாசனையில்லாத அழகிய மலர் துன்பம்
தெளிவு இல்லாதவன் செய்யும் முயற்சி துன்பம்
கவியின் பொருளை அறியும் அறிவுடையார் இல்லாத இடத்தில் கவி கூறுதல் துன்பம்
கருனை இல்லாதவரிடம் கடன் கேட்டுச் செல்லுதல் துன்பம்
கடன் கொடுத்தவர் முன் வாங்கியதை கொடுக்காமல் அவர் காணும் படி அடிக்கடி செல்லுதல் துன்பம்
துணிவு இல்லாதவர் கூறும் வீரவுரை துன்பம்
கணவனுக்கு நோய் போல் மனைவி வாழுகின்ற வீடு துன்பம்
மனைவிக்கு நோய் போல் கணவன் வாழுகின்ற வீடு துன்பம்
அனுபவிக்காமல் சேர்த்து வைக்கும் மிகுந்த செல்வம் துன்பம்
மனநிறைவு இல்லாதவரின் இணக்கம் துன்பம்
பொருந்தாத இடத்தில் திருமணம் செய்தல் துன்பம்
கொடுத்த அலவில் மகிழாதவருக்கு கொடுத்தல் துன்பம் முதுமையில் நோய் வந்து வாடுதல் துன்பம்
பிறிதோர் உயிரைக் கொண்டு அதை உண்டு தம் ஊனை வளர்த்தல் துன்பம்
அறிஞறோடு கொண்ட நட்பை நீக்கி விடுதல் துன்பம்
அன்பே இல்லாதவரிடம் தமக்கு ஏற்பட்ட துன்பங்களை கூறுதல் துன்பம்
கல்வி அறிவு உள்ளோர் சபையில் கருத்தில்லாமல் பேசுவது துன்பம்
வருமைபட்ட கெட்ட காலத்தில் கைவிட்டு போவோரது நட்பு துன்பம்
துன்பம் எதுவென்று அறிந்து நடந்தால் வாழ்வு என்றென்றும் எல்லோருக்கும் இன்பம்

இளமை – முதுமை

Ravi Chellathuray — Mon, 09 Aug 2010 06:15:55 +0000

இனியும் வேண்டும் என்பது இளமை
இனியும் வேண்டாம் என்பது முதுமை

இனி எப்போ விடியும் என்பது இளமை
இனி ஏன் விடிகிறது என்பது முதுமை

மறக்க வேண்டாததை மறந்து விடுவது இளமை
மறக்க வேண்டியதை மறக்காமல் இருப்பது முதுமை
இனித்தான் இனிமையான வாழ்வு என்பது இளமை
இனித்தான் கசப்பான வாழ்வு என்பது முதுமை
மறைக்க வேண்டியதை மறைக்காதது இளமை
மறைக்க வேண்டியதை மறைப்பது முதுமை
வாழும் காலம் இனிமை என்பது இளமை
வாழ்ந்த காலம் இனிமை என்பது முதுமை

சில்லறை தேடி அலைய நினைப்பது இளமை
கல்லறை தேடி அலைய நினைப்பது முதுமை

வாசி வாசி – யோசி யோசி

Ravi Chellathuray — Sun, 25 Jul 2010 11:54:50 +0000

கஷ்டத்தில் இருப்பவன் ஜோசியர் வீட்டை விட்டு வரமாட்டான் செல்வந்தன் மருந்து கடையை விட்டு வரமாட்டான்
உலகை பற்றிய அறிவை உலகை சுற்றிப்பார்த்து அறிந்தது அந்தகாலம் அது கற்காலம்
உலகை பற்றிய அறிவை அறையில் இருந்தபடியே அறிவது இந்தகாலம் இது கணணிக்காலம்
வாழ்வின் முற்பகுதி இரண்டாம் பகுதியை விரும்புவதில் கழிகின்றது,
வாழ்வின் இரண்டாம் பகுதி முற்பகுதிக்காக வருந்துவதில் கழிகின்றது
சிந்தனை அற்ற மனிநர்களை பழக்கமே ஆள்கிறது
பெரியமனிதர்களுக்கு நண்பர்களை விட போற்றுவோரே அதிகமிருப்பர்
நதிகளின் பெருமை கடல் வரைதான்
கொடுத்தவனின் பெருமை கொடுத்ததை கேட்கும் வரைதான்
இனிமையாக பேசினாலும் உண்மையின்றி பேச வேண்டாம்
உண்மையாக பேசினாலும் இனிமையின்றி பேச வேண்டாம்

பித்தளைச்சிப்பியின் – மிச்சமில்லை மிச்சமில்லை

Ravi Chellathuray — Thu, 17 Jun 2010 06:30:29 +0000

மிச்சமில்லை மிச்சமில்லை மிச்சம்என்பதில்லையே
காலை, மாலை ஓடி, ஓடி வேலை செய்ய போதிலும்
மிச்சமில்லை மிச்சமில்லை மிச்சம்என்பதில்லையே
கடன் வாங்கி வட்டிகட்டி வாழுகின்ற போதிலும் மிச்சமில்லை மிச்சமில்லை மிச்சம்என்பதில்லையே
சோசலிலே காசெடுத்து வேலை செய்த போதிலும் மிச்சமில்லை மிச்சமில்லை மிச்சம்என்பதில்லையே
சீட்டெடுத்து வட்டிவாங்கி சேர்த்துவிட்ட போதிலும் மிச்சமில்லை மிச்சமில்லை மிச்சம்என்பதில்லையே
மொய் எடுக்க விழாவெடுத்து மொய் சேர்த்த போதிலும் மிச்சமில்லை மிச்சமில்லை மிச்சம்என்பதில்லையே
நாடுவிட்டு நாடு மாறி திரிகின்ற போதிலும் மிச்சமில்லை மிச்சமில்லை மிச்சம்என்பதில்லையே
சின்னத்திரை நாடகங்கள் இலவசமாய் பார்த்துவிட்ட போதிலும் மிச்சமில்லை மிச்சமில்லை மிச்சம்என்பதில்லையே
கோவில்குளம் அன்னதானம் உண்டு வந்த போதிலும் மிச்சமில்லை மிச்சமில்லை மிச்சம்என்பதில்லையே
கடைகள் போட்டு குடும்பமாக நடர்த்தி வந்த போதிலும் மிச்சமில்லை மிச்சமில்லை மிச்சம்என்பதில்லையே
நல்ல நண்பர் என்று சொல்லி கூடித்திரிந்த போதிலும் மிச்சமில்லை மிச்சமில்லை மிச்சம்என்பதில்லையே
இலவசமாய் சின்னத்திரை, சஞ்சிகள் வானலைகள் பார்த்து கேட்ட போதிலும் மிச்சமில்லை மிச்சமில்லை மிச்சம்என்பதில்லையே
சேல்ஸ் போட்ட கடைதனிலே சாமன் வாங்கி சேர்த்து விட்ட போதிலும் மிச்சமில்லை மிச்சமில்லை மிச்சம்என்பதில்லையே
வான் அலையில் வந்து வந்து கருத்து கேட்ட போதிலும் மிச்சமில்லை மிச்சமில்லை மிச்சம்என்பதில்லையே
கடன் எடுத்து வீடு கட்டி கார் வாங்கி வாழ்ந்து விட்ட போதிலும் மிச்சமில்லை மிச்சமில்லை மிச்சம்என்பதில்லையே

கறுப்பு வெள்ளை

Ravi Chellathuray — Mon, 14 Jun 2010 14:45:17 +0000

கந்தப்பு: சுந்தரதானின்ட மனிசிக்கு, இப்பவே தலைமயிர் எல்லாம் நரைச்சு
போச்சு டை அடிச்சால் இளமையாய் தெரியும்தானே.

சோமண்ணை: டை அடிக்கிறது சுந்தரத்தானுக்கு விருப்பமில்லையாம்!

கந்தப்பு: ஏன் செலவாமோ?

சோமண்ணை: செலவும் தான், அதோட டை அடிச்ச மனிசியோட
போகேக்க தன்னை கிழவன் மாதிரி காட்டுமாம்

கந்தப்பு:!?!?!?

கை கூ கவிதை

Ravi Chellathuray — Tue, 08 Jun 2010 06:00:05 +0000

அரும்புகள் எல்லாம் பூக்கள் விற்பதால் மல்லிகைபூவிலும் வியர்வை வாசம்
பிஞ்சு விரல்கள் பிழிந்ததனாலே கசப்பாய் இருக்கிறது கரும்புச்சாறு
கடற்கரை அலையை ரசிக்கமுடியவில்லை, நொண்டிச்சிறுவன் சுண்டல் விற்கயிலே
பெற்றோர் இருவரும் வேலைக்கு போக வாடகைத்தாய்யாக
9 வயதுச்சிறுமி
வாடாத கீரையை வாடிய முகத்தோடு விற்கிறால் சிறுமி, வாங்கிச்சமைத்தபின் உப்பின் கரிப்பு உறைப்பாய் எனக்கு
அப்பா வாங்கியது அதிகவிலை: அக்காவின் கணவன்
வாகனம் ஓட்டும் போது கைதொலைபேசி ஒலித்தால் எடுத்துப்பேசாதீர்கள், அலைப்பது எமனாகக்கூட இருக்கலாம்.
கடல் அலையை ரசிக்கமுடியவில்லை, சுனாமிப்பேரலை வந்து போன பின்னால்

Ravi Chellathuray — Mon, 31 May 2010 12:30:23 +0000

ஓளவையின் பாடல்

ஆலைப் பலா ஆக்கலாமோ?
அருஞ்சுணங்கள் வாலை நிமிர்க்க வசமோ?
நீலநிறக் காக்கைதனை பேசுவிக்கலாமோ
கருனையிலா மூர்க்கனை சீராக்கலாமோ?

அகதியாரின் பாடல்

வட்டியில்லா கடன் எடுக்க முடியுமோ?
கழிவில்லா சீட்டுப்பிடிக்க முடியுமோ?
மொய் கொடுக்கா விழா காண முடியுமோ?
குழப்பமில்லா விழா பார்க்க முடியுமோ?
நாடகமில்லா சின்னத்திரை இருக்க முடியுமோ?
சினிமாபாடல் இல்லா வானொலி கேட்க முடியுமோ?
ரொக்கம் இல்லா ஊடகம் தொடர முடியுமோ?
அன்னதானம் இல்லா ஆலயத்தில் பக்த்தரை காணத்தான் முடியுமோ?
கடன் கொடுக்கமால் கடை நடாத்த முடியுமோ?
கோலா கலக்கா விஸ்கி குடிக்கத்தான் முடியுமோ?
குறை கூறா உறவை தேடத்தான் முடியுமோ?
நம்பிக் கெடுக்கா நட்பை தேடத்தான் முடியுமோ?
நகை போடா பெண்ணை காணத்தான் முடியுமோ?
இரண்டு வேலை செய்யா எம்மவரை தேடத்தான் முடியுமோ?
எம்மவர் ஆக்கத்தை விலைக்கு விற்க்கத்தான் முடியுமோ?
புலம் பெயரா தமிழ்ர் இருக்கத்தான் முடியுமோ?
நம்மினத்தார் ஒற்றுமையாய் வாழத்தான் முடியுமோ?
அலுப்புத்தராத மனைவி அமையத்தான் முடியுமோ?
தன் பிள்ளையை புழுகாத தாயைத்தான் காணமுடியுமோ?
முடியுமோ முடியுமோ எமக்கு இவையெல்லாம் புலம்பெயர்வில்
முடியுமோ முடியுமோ முடியுமோ?